toDe na ye jahan tumhein ilzam bandh kar

toḌe na ye jahāñ tumheñ ilzām bāñdh kar

rakhnā yaqīñ kī Dor meñ auhām bāñdh kar

ye dil ġhulām aap kī tahvīl meñ diyā

rakh lījiye ye banda-e-be-dām bāñdh kar

kaise na chashm-e-nāz ko ham mai-kada kaheñ

rakkhe palak palak se haiñ jab jaam bāñdh kar

khultā huā vo rang-e-sahar ruḳh pe aur idhar

rakkhī hai zulf meñ jo hasīñ shaam bāñdh kar

vo chāñd kab tulū' ho is intizār ne

mujh ko biThā diyā hai sar-e-bām bāñdh kar

ġharqāb kar na de kahīñ kaalī ghaTā suno

rakkho zarā ye zulf-e-siyah-fām bāñdh kar

hote idhar udhar to kidhar hotī kā.enāt

kis ne falak pe rakkhe haiñ ajrām bāñdh kar

jaa.ez kahāñ hai tark-e-ta'alluq kā faisla

dil dil se apne naam se ye naam bāñdh kar

rakkhā madār-e-vaqt pe kyoñ us ne raqs meñ

paaoñ se mere gardish-e-ayyām bāñdh kar

qibla hai 'ishq kā yahāñ be-faiz hai anā

kiije tavāf 'ijz kā ehrām bāñdh kar

samjhī ho sā.ebāñ jise 'nasrīn' dekhnā

māregā dhuup meñ vo sar-e-'ām bāñdh kar

toDe na ye jahan tumhein ilzam bandh kar

rakhna yaqin ki Dor mein auham bandh kar

ye dil ghulam aap ki tahwil mein diya

rakh lijiye ye banda-e-be-dam bandh kar

kaise na chashm-e-naz ko hum mai-kada kahen

rakkhe palak palak se hain jab jam bandh kar

khulta hua wo rang-e-sahar ruKH pe aur idhar

rakkhi hai zulf mein jo hasin sham bandh kar

wo chand kab tulu' ho is intizar ne

mujh ko biTha diya hai sar-e-baam bandh kar

gharqab kar na de kahin kali ghaTa suno

rakkho zara ye zulf-e-siyah-fam bandh kar

hote idhar udhar to kidhar hoti kaenat

kis ne falak pe rakkhe hain ajram bandh kar

jaez kahan hai tark-e-ta'alluq ka faisla

dil dil se apne nam se ye nam bandh kar

rakkha madar-e-waqt pe kyon us ne raqs mein

paon se mere gardish-e-ayyam bandh kar

qibla hai 'ishq ka yahan be-faiz hai ana

kije tawaf 'ijz ka ehram bandh kar

samjhi ho saeban jise 'nasrin' dekhna

marega dhup mein wo sar-e-'am bandh kar