tohmat-e-chand apne zimme dhar chale

Khwaja Meer Dard

tohmat-e-chand apne zimme dhar chale

Khwaja Meer Dard

MORE BY Khwaja Meer Dard

    tohmat-e-chand apne zimme dhar chale

    jis liye aa.e the so ham kar chale

    zindagī hai koī tūfān hai

    ham to is jiine ke hāthoñ mar chale

    kyā hameñ kaam in guloñ se ai sabā

    ek dam aa.e idhar ūdhar chale

    dosto dekhā tamāshā yaañ sab

    tum raho ḳhush ham to apne ghar chale

    aah bas mat jalā tab jāniye

    jab koī afsūñ tirā us par chale

    ek maiñ dil-resh huuñ vaisā dost

    zaḳhm kitnoñ ke sunā hai bhar chale

    sham.a ke mānind ham is bazm meñ

    chashm-tar aa.e the dāman-e-tar chale

    DhūñDhte haiñ aap se us ko pare

    shaiḳh sāhab chhoḌ ghar bāhar chale

    ham na jaane paa.e bāhar aap se

    vo aaḌe aa gayā jīdhar chale

    ham jahāñ meñ aa.e the tanhā vale

    saath apne ab use le kar chale

    juuñ sharar ai hastī-e-be-būd yaañ

    baare ham bhī apnī baarī bhar chale

    sāqiyā yaañ lag rahā hai chal-chalāv

    jab talak bas chal sake sāġhar chale

    'dard' kuchh ma.alūm hai ye log sab

    kis taraf se aa.e the kīdhar chale

    tohmat-e-chand apne zimme dhar chale

    jis liye aae the so hum kar chale

    zindagi hai ya koi tufan hai

    hum to is jine ke hathon mar chale

    kya hamein kaam in gulon se ai saba

    ek dam aae idhar udhar chale

    dosto dekha tamasha yan ka sab

    tum raho KHush hum to apne ghar chale

    aah bas mat ji jala tab jaaniye

    jab koi afsun tera us par chale

    ek main dil-resh hun waisa hi dost

    zaKHm kitnon ke suna hai bhar chale

    shama ke manind hum is bazm mein

    chashm-tar aae the daman-e-tar chale

    DhunDhte hain aap se us ko pare

    shaiKH sahab chhoD ghar bahar chale

    hum na jaane pae bahar aap se

    wo hi aaDe aa gaya jidhar chale

    hum jahan mein aae the tanha wale

    sath apne ab use le kar chale

    jun sharar ai hasti-e-be-bud yan

    bare hum bhi apni bari bhar chale

    saqiya yan lag raha hai chal-chalaw

    jab talak bas chal sake saghar chale

    'dard' kuchh malum hai ye log sab

    kis taraf se aae the kidhar chale

    Videos
    This video is playing from YouTube

    Videos
    This video is playing from YouTube

    Reshma

    Reshma

    RECITATIONS

    Shamsur Rahman Faruqi

    Shamsur Rahman Faruqi

    Shamsur Rahman Faruqi

    tohmat-e-chand apne zimme dhar chale Shamsur Rahman Faruqi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY