tuf ba-mashuq-mizajaan sar-e-har-yar pe KHak

tuf ba-mā'shūq-mizājāñ sar-e-har-yār pe ḳhaak

Dhal ga.e hosh to ab ḳhāma-e-bedār pe ḳhaak

zohd-o-be-dād baham nā'ra-e-takbīr meñ haiñ

lā'nteñ bar-sar-e-mehrāb o sar-e-dār pe ḳhaak

ab suhūlat bhī ga.ī haath se sar phoḌne kī

Daal aayā huuñ ḳhud hī dasht kī dīvār pe ḳhaak

sabz poshāk pe surḳhī sī ubhar aa.ī hai

vālī-e-hurmat-e-kā'ba tirī zunnār pe ḳhaak

rozgār aur bhī bāham haiñ junūñ ko mere

gulshan-e-vahshat-e-sahrā tire gulnār pe ḳhaak

aao ai fitna-garo sehn-e-zabīhāñ ko chaleñ

mal ke aa jaao zarā ‘āriz-o-ruḳhsār pe ḳhaak

nok-e-mizgān jo uThtī hai to ro paḌtī hai

vādī-e-'ishq-e-masāfat ke har ik ḳhaar pe ḳhaak

ham husainī haiñ vatīra hī rahā hai apnā

aaj ke aaj hī mal deñ tirī talvār pe ḳhaak

tuf ba-ma'shuq-mizajaan sar-e-har-yar pe KHak

Dhal gae hosh to ab KHama-e-bedar pe KHak

zohd-o-be-dad baham na'ra-e-takbir mein hain

la'nten bar-sar-e-mehrab o sar-e-dar pe KHak

ab suhulat bhi gai hath se sar phoDne ki

Dal aaya hun KHud hi dasht ki diwar pe KHak

sabz poshak pe surKHi si ubhar aai hai

wali-e-hurmat-e-ka'ba teri zunnar pe KHak

rozgar aur bhi baham hain junun ko mere

gulshan-e-wahshat-e-sahra tere gulnar pe KHak

aao ai fitna-garo sehn-e-zabihan ko chalen

mal ke aa jao zara ‘ariz-o-ruKHsar pe KHak

nok-e-mizgan jo uThti hai to ro paDti hai

wadi-e-'ishq-e-masafat ke har ek KHar pe KHak

hum husaini hain watira hi raha hai apna

aaj ke aaj hi mal den teri talwar pe KHak