تفتہ جانوں کا علاج اے اہل دانش اور ہے

بہادر شاہ ظفر

تفتہ جانوں کا علاج اے اہل دانش اور ہے

بہادر شاہ ظفر

MORE BY بہادر شاہ ظفر

    تفتہ جانوں کا علاج اے اہل دانش اور ہے

    عشق کی آتش بلا ہے اس کی سوزش اور ہے

    کیوں نہ وحشت میں چبھے ہر مو بشکل نیش تیز

    خار غم کی تیرے دیوانے کی کاوش اور ہے

    مطربو باساز آؤ تم ہماری بزم میں

    ساز و ساماں سے تمہاری اتنی سازش اور ہے

    تھوکتا بھی دختر رز پر نہیں مست الست

    جو کہ ہے اس فاحشہ پر غش وہ فاحش اور ہے

    تاب کیا ہمتاب ہووے اس سے خورشید فلک

    آفتاب داغ دل کی اپنے تابش اور ہے

    سب مٹا دیں دل سے ہیں جتنی کہ اس میں خواہشیں

    گر ہمیں معلوم ہو کچھ اس کی خواہش اور ہے

    ابر مت ہم چشم ہونا چشم دریا بار سے

    تیری بارش اور ہے اور اس کی بارش اور ہے

    ہے تو گردش چرخ کی بھی فتنہ انگیزی میں طاق

    تیری چشم فتنہ زا کی لیک گردش اور ہے

    بت پرستی جس سے ہووے حق پرستی اے ظفرؔ

    کیا کہوں تجھ سے کہ وہ طرز پرستش اور ہے

    RECITATIONS

    نعمان شوق

    نعمان شوق

    نعمان شوق

    تفتہ جانوں کا علاج اے اہل دانش اور ہے نعمان شوق

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY