تجھ کو ہے مجھ سے پیار کبھی اعتراف کر

تجھ کو ہے مجھ سے پیار کبھی اعتراف کر

یا کون ہے پسند یہ تصویر صاف کر

میرے قریب آ کے گلے لگ جا میری جان

کچھ اور تیرے من میں ہے تو انحراف کر

کیوں اک ذرا سی بات پہ ناراض مجھ سے ہے

میں نے خطا قبول کی تو اب معاف کر

تیرے غموں کو رات کا بستر بنا لوں میں

میری خوشی کو لے کے انہیں تو لحاف کر

چلنا ہے زندگی کے سفر میں تو ساتھ چل

چلنا ہے کتنی دور تلک انکشاف کر

امید ہر کسی سے لگانا فضول ہے

تو جس کو چاہتا ہے اسی کا طواف کر