تجھ کو لگتا ہے عنایات کرے گی دنیا

تجھ کو لگتا ہے عنایات کرے گی دنیا

ہم کو معلوم ہے جو بات کرے گی دنیا

میں نا کہتا تھا کہ مت بھیج نہیں دل میرا

جانتا تھا کی خرافات کرے گی دنیا

کچھ فرشتوں نے کہا بھی تھا کہ سرکش ہوں گے

تو تو کہتا تھا مناجات کرے گی دنیا

میری جانب تری پرواہ اگر یوں ہی رہی

تو بھی دیکھے گا خرافات کرے گی دنیا

حضرت قیس کو سمجھاتا ہوں دل رکھئے بڑا

ملیے جس طور ملاقات کرے گی دنیا

چند اک لفظ میں ایجاد کروں گا عاطفؔ

جن سے پیمائش جذبات کرے گی دنیا