tujhse ai mere sitamgar mazarat
tujh se ai mere sitamgar mā'zarat
mā'zarat-dar-mā'zarat-dar-mā'zarat
jo mirī jānib uchhāle the kabhī
aaj karte haiñ vo patthar mā'zarat
inkisārī se khaḌe rahte haiñ ham
tū guzar jaatā hai kah kar mā'zarat
zulf-e-jānāñ ke jo dekhūñ pech-o-ḳham
mujh ko aa jaate haiñ chakkar mā'zarat
ik guzārish thī tire barbād kī
kar lī tasvīr-e-junūñ par mā'zarat
raat ke nāloñ kā 'mariyam' kyā kaheñ
ham se kar lete haiñ aksar mā'zarat
tujh se ai mere sitamgar ma'zarat
ma'zarat-dar-ma'zarat-dar-ma'zarat
jo meri jaanib uchhaale the kabhi
aaj karte hain wo patthar ma'zarat
inkisari se khaDe rahte hain hum
tu guzar jata hai kah kar ma'zarat
zulf-e-jaanan ke jo dekhun pech-o-KHam
mujh ko aa jate hain chakkar ma'zarat
ek guzarish thi tere barbaad ki
kar li taswir-e-junun par ma'zarat
raat ke nalon ka 'mariyam' kya kahen
hum se kar lete hain aksar ma'zarat
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
