tujhse bichhaD ke dard tera ham-safar raha

tujh se bichhaḌ ke dard tirā ham-safar rahā

maiñ rāh-e-ārzū meñ akelā kabhī na thā

ye aur baat raat javāñ thī javāñ rahī

saaqī udāsiyoñ ke mujhe jaam de gayā

bāzār-e-vaqt se kahāñ jins-e-vafā ga.ī

tanhā hai māh-e-misr kā jaltā huā diyā

tārīk thī ye raat magar yaad kī kiran

aa.ī to nūr-e-husn kā darvāza phir khulā

haa.il hue diloñ pe ye anjāne fāsle

pahle hamāre darmiyāñ kui fāsla na thā

hāthoñ meñ raat aas kī sham.eñ liye hue

tārīkiyoñ meñ tujh ko pukārā hai bārhā

ai jannat-e-ḳhayāl nigāh-e-fusūñ-shi.ār

'qaisar' ko apne gesuoñ meñ aaj phir chhupā

tujh se bichhaD ke dard tera ham-safar raha

main rah-e-arzu mein akela kabhi na tha

ye aur baat raat jawan thi jawan rahi

saqi udasiyon ke mujhe jam de gaya

bazar-e-waqt se kahan jins-e-wafa gai

tanha hai mah-e-misr ka jalta hua diya

tarik thi ye raat magar yaad ki kiran

aai to nur-e-husn ka darwaza phir khula

hail hue dilon pe ye anjaane fasle

pahle hamare darmiyan kui fasla na tha

hathon mein raat aas ki shamen liye hue

tarikiyon mein tujh ko pukara hai barha

ai jannat-e-KHayal nigah-e-fusun-shiar

'qaisar' ko apne gesuon mein aaj phir chhupa