tujhse kuchh is tarah hun wabasta

tujh se kuchh is tarah huuñ vābasta

ruuh jaise badan meñ paivasta

pyaar kī ik nazar mirī qīmat

dekh maiñ kis qadar huā sastā

daam phailā rakhe haiñ kyoñ itne

tā.ir-e-dil to aap hai phañstā

ziist kī Dor Tuut bhī jaa.e

'ishq se par na hoñge vārasta

maqtal-e-husn ko chalā huuñ maiñ

jāñ-ba-kaf musta'id kamar-basta

maiñ ne haq baat kī sar-e-mahfil

bar-mahal be-dareġh barjasta

us ko saudā-e-dasht-e-dāman hai

ashk dil ke nagar nahīñ bastā

hai nashāt-e-ġham-e-vafā bhī 'ajīb

kabhī rotā hai dil kabhī hañstā

chashm-e-gul-bāz zaḳhm zaḳhm huī

jab sajā ashk ashk guldasta

kitnī rātoñ ko pā.emāl kiyā

tab khulā rāz-e-'ishq sar-basta

tujh se kuchh is tarah hun wabasta

ruh jaise badan mein paiwasta

pyar ki ek nazar meri qimat

dekh main kis qadar hua sasta

dam phaila rakhe hain kyon itne

tair-e-dil to aap hai phansta

zist ki Dor Tut bhi jae

'ishq se par na honge warasta

maqtal-e-husn ko chala hun main

jaan-ba-kaf musta'id kamar-basta

main ne haq baat ki sar-e-mahfil

bar-mahal be-daregh barjasta

us ko sauda-e-dasht-e-daman hai

ashk dil ke nagar nahin basta

hai nashat-e-gham-e-wafa bhi 'ajib

kabhi rota hai dil kabhi hansta

chashm-e-gul-baz zaKHm zaKHm hui

jab saja ashk ashk guldasta

kitni raaton ko paemal kiya

tab khula raaz-e-'ishq sar-basta