تجھ سے یوں یک بار توڑوں کس طرح
تجھ سے یوں یک بار توڑوں کس طرح
میں قدم تیرے یہ چھوڑوں کس طرح
گھر سے بابر تو نہ نکلا تا ہنوز
تیرے در پر سر نہ پھوڑوں کس طرح
مے سے تائب تھا ولیکن آج پی
ہاتھ لگ جاوے تو چھوڑوں کس طرح
آبروئے ابر یاں منظور ہے
آہ میں دامن نچوڑوں کس طرح
صاف دل کیوں کر کروں تجھ سے بھلا
ٹوٹی الفت پھر کے جوڑوں کس طرح
شوق سے تو ہاتھ کو میرے مروڑ
میں ترا پنجا مروڑوں کس طرح
وقت بوسہ کے یہ انشاؔ سے کہا
تجھ سے میں پھر منہ نہ موڑوں کس طرح
مأخذ:
Kulliyat-e-inshaallah khan insha (Pg. 44)
- مصنف: انشا اللہ خاں انشا
-
- ناشر: منشی نول کشور، لکھنؤ
- سن اشاعت: 1876
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
