tujhe KHabar nahin hai kyon ye imtihan hai zist mein
tujhe ḳhabar nahīñ hai kyoñ ye imtihāñ hai ziist meñ
ki fāsla sā tere mere darmiyāñ hai ziist meñ
jahāñ-jahāñ tire qadam mire ai ham-navā rahe
vahāñ-vahāñ likhā huā ik ik nishāñ hai ziist meñ
tū kar rahā hai intizār jis kā rāt-din yahāñ
vo shaḳhs hī tire liye to bad-gumāñ hai ziist meñ
sajā rahe the ḳhvāb ham bhī ek ghar ke vāste
judā hue to phir ujaaḌ sā makāñ hai ziist meñ
tamām raat niiñd meñ tumhīñ se guftugū rahī
tumhīñ ho saath to hasīn ye jahāñ hai ziist meñ
nasīb meñ likhā mire jo hai use maiñ kyā kahūñ
du'ā hai vasl kī to hijr mehrbāñ hai ziist meñ
tujhe KHabar nahin hai kyon ye imtihan hai zist mein
ki fasla sa tere mere darmiyan hai zist mein
jahan-jahan tere qadam mere ai ham-nawa rahe
wahan-wahan likha hua ek ek nishan hai zist mein
tu kar raha hai intizar jis ka raat-din yahan
wo shaKHs hi tere liye to bad-guman hai zist mein
saja rahe the KHwab hum bhi ek ghar ke waste
juda hue to phir ujaD sa makan hai zist mein
tamam raat nind mein tumhin se guftugu rahi
tumhin ho sath to hasin ye jahan hai zist mein
nasib mein likha mere jo hai use main kya kahun
du'a hai wasl ki to hijr mehrban hai zist mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
