tum aae ho tumhein bhi aazma kar dekh leta hun

Ahmad Mushtaq

tum aae ho tumhein bhi aazma kar dekh leta hun

Ahmad Mushtaq

MORE BY Ahmad Mushtaq

    tum aa.e ho tumheñ bhī aazmā kar dekh letā huuñ

    tumhāre saath bhī kuchh duur kar dekh letā huuñ

    havā.eñ jin andhī khiḌkiyoñ par sar paTaktī haiñ

    maiñ un kamroñ meñ phir sham.eñ jalā kar dekh letā huuñ

    ajab kyā is qarīne se koī sūrat nikal aa.e

    tirī bātoñ ko ḳhvāboñ se milā kar dekh letā huuñ

    sahar-dam kirchiyāñ TuuTe hue ḳhvāboñ miltī haiñ

    to bistar jhaaḌ kar chādar haTā kar dekh letā huuñ

    bahut dil ko dukhātā hai kabhī jab dard-e-mahjūrī

    tirī yādoñ jānib muskurā kar dekh letā huuñ

    uḌā kar rañg kuchh hoñToñ se kuchh āñkhoñ se kuchh dil se

    ga.e lamhoñ ko tasvīreñ banā kar dekh letā huuñ

    nahīñ ho tum bhī vo ab mujh se yaaro kyā chhupāoge

    havā samt ko miTTī uḌā kar dekh letā huuñ

    sunā hai be-niyāzī ilāj-e-nā-umīdī hai

    ye nusḳha bhī koī din aazmā kar dekh letā huuñ

    mohabbat mar ga.ī 'mushtāq' lekin tum na mānoge

    maiñ ye afvāh bhī tum ko sunā kar dekh letā huuñ

    tum aae ho tumhein bhi aazma kar dekh leta hun

    tumhaare sath bhi kuchh dur ja kar dekh leta hun

    hawaen jin ki andhi khiDkiyon par sar paTakti hain

    main un kamron mein phir shamen jala kar dekh leta hun

    ajab kya is qarine se koi surat nikal aae

    teri baaton ko KHwabon se mila kar dekh leta hun

    sahar-dam kirchiyan TuTe hue KHwabon ki milti hain

    to bistar jhaD kar chadar haTa kar dekh leta hun

    bahut dil ko dukhata hai kabhi jab dard-e-mahjuri

    teri yaadon ki jaanib muskura kar dekh leta hun

    uDa kar rang kuchh honTon se kuchh aankhon se kuchh dil se

    gae lamhon ko taswiren bana kar dekh leta hun

    nahin ho tum bhi wo ab mujh se yaro kya chhupaoge

    hawa ki samt ko miTTi uDa kar dekh leta hun

    suna hai be-niyazi hi ilaj-e-na-umidi hai

    ye nusKHa bhi koi din aazma kar dekh leta hun

    mohabbat mar gai 'mushtaq' lekin tum na manoge

    main ye afwah bhi tum ko suna kar dekh leta hun

    RECITATIONS

    Nomaan Shauque

    Nomaan Shauque

    Nomaan Shauque

    tum aae ho tumhein bhi aazma kar dekh leta hun Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites