tum apne KHwabon ke pichhe yar mere hairan bahut ho

tum apne ḳhvāboñ ke pīchhe yaar mire hairān bahut ho

is kāvish meñ ho saktā hai āñkhoñ kā nuqsān bahut ho

pā-e-vahshat se kyoñ sahrā naap rahe ho is 'ujlat meñ

mumkin hai us paar kā manzar is se bhī vīrān bahut ho

jis kī dānā.ī ke charche guuñj rahe haiñ bastī bastī

ho saktā hai vo daana bhī ham jaisā nādān bahut ho

shāyad us ko kho dene hī meñ kuchh mushkil aatī ho

shāyad us ko pā lenā hī duniyā meñ āsān bahut ho

mumkin hai sab aslī chīzeñ vīrāne meñ hī miltī hoñ

ho saktā hai bāzāroñ meñ masnū'ī sāmān bahut ho

jin bātoñ kā yaar mire ab bilkul zikr nahīñ karte haiñ

un bātoñ kā ho saktā hai mahfil meñ e'lān bahut ho

jis kā koī dhyān nahīñ hotā vo mil jaatā hai lekin

aksar vo hī kho jaatā hai jis pal kā imkān bahut ho

tum apne KHwabon ke pichhe yar mere hairan bahut ho

is kawish mein ho sakta hai aankhon ka nuqsan bahut ho

pa-e-wahshat se kyon sahra nap rahe ho is 'ujlat mein

mumkin hai us par ka manzar is se bhi viran bahut ho

jis ki danai ke charche gunj rahe hain basti basti

ho sakta hai wo dana bhi hum jaisa nadan bahut ho

shayad us ko kho dene hi mein kuchh mushkil aati ho

shayad us ko pa lena hi duniya mein aasan bahut ho

mumkin hai sab asli chizen virane mein hi milti hon

ho sakta hai bazaron mein masnu'i saman bahut ho

jin baaton ka yar mere ab bilkul zikr nahin karte hain

un baaton ka ho sakta hai mahfil mein e'lan bahut ho

jis ka koi dhyan nahin hota wo mil jata hai lekin

aksar wo hi kho jata hai jis pal ka imkan bahut ho