تم بھی جشن بہار کر دیکھو
تم بھی جشن بہار کر دیکھو
خود کو پھر سوگوار کر دیکھو
جانے والے کبھی نہیں آتے
چاہو تو انتظار کر دیکھو
ہجر کا وقت کاٹنا مشکل
تم ستارے شمار کر دیکھو
تیری آنکھوں میں میری صورت ہے
نقلی چہرہ اتار کر دیکھو
ہم نے ایک عمر ہار مانی ہے
اب کے تم بھی تو ہار کر دیکھو
درد شاکرؔ بس ایسے سمجھو گے
حسرتیں اپنی مار کر دیکھو
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
