تم ہی سے توقع نہیں اوروں سے گلہ کیا

تم ہی سے توقع نہیں اوروں سے گلہ کیا

کوئی مرا اپنا ہو تو کیا اور خدا کیا

دھڑکن کبھی دھیمی ہے کبھی تیز بہت ہے

خود سے میں یہی پوچھتا ہوں مجھ کو ہوا کیا

اک بیکس و مجبور ہے سرزد ہوں گنہ کیا

ناکردہ گناہوں کی بھی ملتی ہے سزا کیا

میں نے تو ترے پیار میں ہر چیز لٹا دی

جز تیری جفاؤں کے مجھے اور ملا کیا

میں تجزیہ کرتا ہوں ہر اک بات کا اکثر

سچ اور نہیں کچھ بھی یہاں تیرے سوا کیا

الفت کو پرکھنے کے ہیں میزان الگ سے

اخلاص مرا چیز ہے کیا اور وفا کیا