tumko chaha bhi magar tumko pukara bhi nahin

tum ko chāhā bhī magar tum ko pukārā bhī nahīñ

maiñ to ḳhud kā bhī nahīñ huuñ aur tumhārā bhī nahīñ

mujh se mil bhī to nahīñ paa.e judā ho bhī ga.e

tum 'ajab kal ho tumheñ maiñ ne guzārā bhī nahīñ

jaan kī qīmat lagā kar phir ḳharīdā kyoñ nahīñ

jaan baḳhshī bhī nahīñ kyoñ jaañ se maarā bhī nahīñ

dhuup se ġham kī bacho ab tum bhī 'aḳhtar-āzmī'

soch lo zulf-e-ḳhamīda kā sahārā bhī nahīñ

tum ko chaha bhi magar tum ko pukara bhi nahin

main to KHud ka bhi nahin hun aur tumhaara bhi nahin

mujh se mil bhi to nahin pae juda ho bhi gae

tum 'ajab kal ho tumhein main ne guzara bhi nahin

jaan ki qimat laga kar phir KHarida kyon nahin

jaan baKHshi bhi nahin kyon jaan se mara bhi nahin

dhup se gham ki bacho ab tum bhi 'aKHtar-azmi'

soch lo zulf-e-KHamida ka sahaara bhi nahin