aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

tumko socha tirgi mein der tak

Pawan Kumar

tumko socha tirgi mein der tak

Pawan Kumar

MORE BYPawan Kumar

    tum ko sochā tīrgī meñ der tak

    maiñ nahāyā raushnī meñ der tak

    dhuup meñ rahnā thā saarā din hameñ

    kaise rahte chāñdnī meñ der tak

    chīḳh ghuT kar rah ga.ī dil meñ magar

    shor gūñjā ḳhāmushī meñ der tak

    phir mujhe āvāz ik shaḳhs ne

    phir maiñ Thahrā us galī meñ der tak

    ġharq ho jaane se pahle kashtiyāñ

    laḌkhaḌā.ī thiiñ nadī meñ der tak

    log kyā samjheñge ye soche baġhair

    ham bhī chillā.e ḳhushī meñ der tak

    apnā ġham de kar vo ruḳhsat ho gayā

    dil mirā royā ḳhushī meñ der tak

    ḳhud se milne ke jatan meñ ai 'pavan'

    maiñ rahā be-rabtagī meñ der tak

    tum ko socha tirgi mein der tak

    main nahaya raushni mein der tak

    dhup mein rahna tha sara din hamein

    kaise rahte chandni mein der tak

    chiKH ghuT kar rah gai dil mein magar

    shor gunja KHamushi mein der tak

    phir mujhe aawaz di ek shaKHs ne

    phir main Thahra us gali mein der tak

    gharq ho jaane se pahle kashtiyan

    laDkhaDai thin nadi mein der tak

    log kya samjhenge ye soche baghair

    hum bhi chillae KHushi mein der tak

    apna gham de kar wo ruKHsat ho gaya

    dil mera roya KHushi mein der tak

    KHud se milne ke jatan mein ai 'pawan'

    main raha be-rabtagi mein der tak

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now