tumko wafa se kya matlab hai jao apna kaam karo

tum ko vafā se kyā matlab hai jaao apnā kaam karo

din-bhar bhaTke āvāra se ab jā kar ārām karo

kab rokā hai maiñ ne tum ko merī bāteñ karne se

naam agar hotā hai tumhārā to mujh ko badnām karo

jaane vāloñ ko jaanā hai kab aate haiñ lauT ke phir

sar phoḌo yādoñ meñ un kī ro ke sahar se shaam karo

kyā rakkhā hai is kī us kī terī merī karne se

ḳhud se mileñge baat banegī ḳhud ko na yuuñ dushnām karo

ahl-e-ḳhirad se kuchh nahīñ bantā har jānib kohrām machā

aisā karo sab zehnoñ meñ apne dil rakhne kā kaam karo

tum ko wafa se kya matlab hai jao apna kaam karo

din-bhar bhaTke aawara se ab ja kar aaram karo

kab roka hai main ne tum ko meri baaten karne se

nam agar hota hai tumhaara to mujh ko badnam karo

jaane walon ko jaana hai kab aate hain lauT ke phir

sar phoDo yaadon mein un ki ro ke sahar se sham karo

kya rakkha hai is ki us ki teri meri karne se

KHud se milenge baat banegi KHud ko na yun dushnam karo

ahl-e-KHirad se kuchh nahin banta har jaanib kohram macha

aisa karo sab zehnon mein apne dil rakhne ka kaam karo