tum meri rahguzar chhoD ke ja sakte ho

tum mirī rāhguzar chhoḌ ke jā sakte ho

jis taraf chāho udhar chhoḌ ke jā sakte ho

saa.e meñ us ke haiñ sāñpoñ ka baserā yaaro

tum ye sandal ka shajar chhoḌ ke jā sakte ho

tum ho sardār to maidāñ meñ bachāo dastār

sar hai kyā chiiz ye sar chhoḌ ke jā sakte ho

merī āñkhoñ ke ye dariyā haiñ ravānī pe ba-zid

tum burī koī ḳhabar chhoḌ ke jā sakte ho

us ne āzādī kī ye shart rakhī taa.ir se

tum ko jaanā hai to par chhoḌ ke jā sakte ho

chāñd aadhā ye mujhe puurā nazar aa.egā

mujh pe tum husn-e-nazar chhoḌ ke jā sakte ho

log thak haar ke baiThe haiñ yahāñ ulfat meñ

tum bhī chāho to safar chhoḌ ke jā sakte ho

chhoḌ kar jaise ga.e log haiñ tum se pahle

tum bhī jiine ka hunar chhoḌ ke jā sakte ho

chhoḌnā ghar ko yuuñ āsāñ to nahīñ hai 'raushan'

dard to hogā magar chhoḌ ke jā sakte ho

tum meri rahguzar chhoD ke ja sakte ho

jis taraf chaho udhar chhoD ke ja sakte ho

sae mein us ke hain sanpon ka basera yaro

tum ye sandal ka shajar chhoD ke ja sakte ho

tum ho sardar to maidan mein bachao dastar

sar hai kya chiz ye sar chhoD ke ja sakte ho

meri aankhon ke ye dariya hain rawani pe ba-zid

tum buri koi KHabar chhoD ke ja sakte ho

us ne aazadi ki ye shart rakhi tair se

tum ko jaana hai to par chhoD ke ja sakte ho

chand aadha ye mujhe pura nazar aaega

mujh pe tum husn-e-nazar chhoD ke ja sakte ho

log thak haar ke baiThe hain yahan ulfat mein

tum bhi chaho to safar chhoD ke ja sakte ho

chhoD kar jaise gae log hain tum se pahle

tum bhi jine ka hunar chhoD ke ja sakte ho

chhoDna ghar ko yun aasan to nahin hai 'raushan'

dard to hoga magar chhoD ke ja sakte ho