tum se ab kaamyab aur hi hai

Taban Abdul Hai

tum se ab kaamyab aur hi hai

Taban Abdul Hai

MORE BYTaban Abdul Hai

    tum se ab kāmyāb aur hai

    aah ham par azaab aur hai

    us ko ā.īna kab pahuñchtā hai

    husn āb-o-tāb aur hai

    riñd vaa.iz se kyuuñ ki sarbar ho

    us chhū, kitāb aur hai

    hijr bhī kam nahīñ hai dozaḳh se

    is safar azaab aur hai

    us ko lagtī hai kab koī talvār

    teġh-e-abrū aab aur hai

    yuuñ to hai surḳh yaar chehrā

    par piye jab sharāb aur hai

    mujh ko is niiñd se nahīñ ārām

    mujh ko rāhat ḳhvāb aur hai

    bahs-e-ilmī se kab haiñ ye qaa.il

    jāhiloñ javāb aur hai

    yaad meñ terī zulf-o-kākul

    dil ke ta.iiñ pech-o-tāb aur hai

    us sitamgar mujh pe har saa.at

    jaur-o-zulm-o-azāb aur hai

    kis tarah se guhar kahūñ 'tābāñ'

    us ke dandāñ meñ aab aur hai

    tum se ab kaamyab aur hi hai

    aah hum par azab aur hi hai

    us ko aaina kab pahunchta hai

    husn ki aab-o-tab aur hi hai

    rind waiz se kyun ki sarbar ho

    us ki chhu, ki kitab aur hi hai

    hijr bhi kam nahin hai dozaKH se

    is safar ka azab aur hi hai

    us ko lagti hai kab koi talwar

    tegh-e-abru ki aab aur hi hai

    yun to hai surKH yar ka chehra

    par piye jab sharab aur hi hai

    mujh ko is nind se nahin aaram

    mujh ko rahat ka KHwab aur hi hai

    bahs-e-ilmi se kab hain ye qail

    jahilon ka jawab aur hi hai

    yaad mein teri zulf-o-kakul ki

    dil ke tain pech-o-tab aur hi hai

    us sitamgar ka mujh pe har saat

    jaur-o-zulm-o-azab aur hi hai

    kis tarah se guhar kahun 'taban'

    us ke dandan mein aab aur hi hai

    Source :
    • Deewan-e-Taban Rekhta Website)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY