tum se dekhe na gae humse dikhae na gae

tum se dekhe na ga.e ham se dikhā.e na ga.e

haa.e vo zaḳhm jo is dil se chhupā.e na ga.e

kar liyā yuuñ to har ik rañj gavārā lekin

aaj tak dil se tirī yaad ke saa.e na ga.e

ham ne chāhā bhī nahīñ ham ne bhulāyā bhī nahīñ

dil ne chāhā bhī magar dil se bhulā.e na ga.e

raah par raah nikaltī ga.ī kūche se tire

varna is raah pe ham aap se aa.e na ga.e

naqsh-e-pā ban ke jahāñ miT bhī gayā naqsh-e-ummīd

ham usī raah pe baiThe haiñ uThā.e na ga.e

tum se dekhe na gae hum se dikhae na gae

hae wo zaKHm jo is dil se chhupae na gae

kar liya yun to har ek ranj gawara lekin

aaj tak dil se teri yaad ke sae na gae

hum ne chaha bhi nahin hum ne bhulaya bhi nahin

dil ne chaha bhi magar dil se bhulae na gae

rah par rah nikalti gai kuche se tere

warna is rah pe hum aap se aae na gae

naqsh-e-pa ban ke jahan miT bhi gaya naqsh-e-ummid

hum usi rah pe baiThe hain uThae na gae