tum se ek din kahin milenge hum

tum se ik din kahīñ mileñge ham

ḳharch ḳhud ko tabhī kareñge ham

ishq! tujh ko ḳhabar bhī hai? ab ke

tere sāhil se jā lageñge ham

kis ne raste meñ ye umiid rakhī

is se Takrā ke gir paḌeñge ham

āsmānoñ meñ ghar nahīñ hote

mar ga.e to kahāñ raheñge ham

dhuup niklī hai terī bātoñ kī

aaj chhat par paḌe raheñge ham

jo bhī kahnā hai us ko kahnā hai

us ke kahne pe kyā kaheñge ham

rok leñge mujhe tire aañsū

aise paanī pe kyā chaleñge ham

vo sunegī jo sunñā chāhegī

jo bhī kahnā hai vo kaheñge ham

tum se ek din kahin milenge hum

KHarch KHud ko tabhi karenge hum

ishq! tujh ko KHabar bhi hai? ab ke

tere sahil se ja lagenge hum

kis ne raste mein ye umid rakhi

is se Takra ke gir paDenge hum

aasmanon mein ghar nahin hote

mar gae to kahan rahenge hum

dhup nikli hai teri baaton ki

aaj chhat par paDe rahenge hum

jo bhi kahna hai us ko kahna hai

us ke kahne pe kya kahenge hum

rok lenge mujhe tere aansu

aise pani pe kya chalenge hum

wo sunegi jo sunna chahegi

jo bhi kahna hai wo kahenge hum