تم سے تو کچھ بھی کم مری چاہت نہیں رہی

تم سے تو کچھ بھی کم مری چاہت نہیں رہی

ایسا بھی کیا ہوا کہ محبت نہیں رہی

پل پل مرا ہوں سوچ کے تم کو کسی کے ساتھ

اب مجھ کو خودکشی کی ضرورت نہیں رہی

بھیگے وہ اشک میں تھا جنہیں بھیگنے کا ڈر

دریا کو پار کرنے کی ہمت نہیں رہی

کروٹ تو رات بھر ہی بدلتے رہے مگر

دل کو کسی طرح کی بھی راحت نہیں رہی

بس وہ ذرا سی دیر مری زندگی رہا

پھر اس کے بعد کوئی ضرورت نہیں رہی

باتیں تمام تھیں تو ملے بھی اسی کو تھے

پر کچھ بھی بولنے کی اجازت نہیں رہی