tumhaare bankpan ki sab adaen raqs karti hain

tumhāre bāñkpan kī sab adā.eñ raqs kartī haiñ

tumhārā naam letā huuñ sadā.eñ raqs kartī haiñ

ye kaisī dushmanī ashjār se paalī havāoñ ne

shajar jab koī girtā hai havā.eñ raqs kartī haiñ

tire insāf par hairān hai chashm-e-falak munsif

ki tū jab bhī sunātā hai sazā.eñ raqs kartī haiñ

zarā phūloñ ko dekho to qabā kī aaḌ lete haiñ

magar jab titliyāñ chhū leñ qabā.eñ raqs kartī haiñ

utārā jab se tere naam kā tā'vīz hai dar se

bilā-ḳhauf-o-ḳhatar ghar meñ balā.eñ raqs kartī haiñ

ye kaisā daur-e-jiddat hai ki bahneñ beTiyāñ is meñ

saroñ se khīñch kar apnī ridā.eñ raqs kartī haiñ

tire tarz-e-taġhāful kā asar hai ye ki ab mujh par

vafā.eñ ḳhanda-zan haiñ aur jafā.eñ raqs kartī haiñ

tire gesū khile jab se fazā hai mushkbū tab se

bajātā saaz hai sāvan ghaTā.eñ raqs kartī haiñ

hamāre des meñ haiñ putliyāñ masnad-nashīñ 'arshad'

inheñ parda-nashīñ jab bhī hilā.eñ raqs kartī haiñ

tumhaare bankpan ki sab adaen raqs karti hain

tumhaara nam leta hun sadaen raqs karti hain

ye kaisi dushmani ashjar se pali hawaon ne

shajar jab koi girta hai hawaen raqs karti hain

tere insaf par hairan hai chashm-e-falak munsif

ki tu jab bhi sunata hai sazaen raqs karti hain

zara phulon ko dekho to qaba ki aaD lete hain

magar jab titliyan chhu len qabaen raqs karti hain

utara jab se tere nam ka ta'wiz hai dar se

bila-KHauf-o-KHatar ghar mein balaen raqs karti hain

ye kaisa daur-e-jiddat hai ki bahnen beTiyan is mein

saron se khinch kar apni ridaen raqs karti hain

tere tarz-e-taghaful ka asar hai ye ki ab mujh par

wafaen KHanda-zan hain aur jafaen raqs karti hain

tere gesu khile jab se faza hai mushkbu tab se

bajata saz hai sawan ghaTaen raqs karti hain

hamare des mein hain putliyan masnad-nashin 'arshad'

inhen parda-nashin jab bhi hilaen raqs karti hain