تمہارے درد کے جیسا نہیں ہے
تمہارے درد کے جیسا نہیں ہے
ہمارے درد کا چہرہ نہیں ہے
اگرچہ عشق سا مہنگا نہیں ہے
مگر یہ ہجر بھی سستا نہیں ہے
ہماری آنکھ سے دیکھو تو جانو
مطابق عشق کے دنیا نہیں ہے
چلو اب ڈھونڈھا جائے پھر نیا غم
کہ کاغذ پہ کوئی مصرع نہیں ہے
ذرا نشتر چبھاؤ زور سے پھر
یہ زخم دل ابھی گہرا نہیں ہے
صفائی میں کہاں تک اس کو دیتا
مرا ہو کر بھی جو میرا نہیں ہے
جبیں کے نیچے جو دو سیپیاں ہیں
گہر ان میں ابھی بنتا نہیں ہیں
ملے تو ہیں بہت مجھ کو جہاں میں
مگر کوئی مرے جیسا نہیں ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
