tumhaare hijr mein rahta hai hum ko gham miyan-sahib

Taban Abdul Hai

tumhaare hijr mein rahta hai hum ko gham miyan-sahib

Taban Abdul Hai

MORE BYTaban Abdul Hai

    tumhāre hijr meñ rahtā hai ham ko ġham miyāñ-sāhib

    ḳhudā jaane jiyeñge mareñge ham miyāñ-sāhib

    agar bosa na denā thā kahā hotā nahīñ detā

    tum itnī baat se hote ho kyā barham miyāñ-sāhib

    ḳhatā kuchh ham ne ġhair hai shāyad tumheñ maan.e

    sabab kyā hai ki tum aate ho ab kuchh kam miyāñ-sāhib

    agar shohra-e-āfāq hai to tere bandoñ meñ

    hameñ bhī jāntā hai ḳhuub ik aalam miyāñ-sāhib

    tumhāre ishq se 'tābāñ' huā hai shahar meñ rusvā

    tum us ke haal se ab tak nahīñ mahram miyāñ-sāhib

    tumhaare hijr mein rahta hai hum ko gham miyan-sahib

    KHuda jaane jiyenge ya marenge hum miyan-sahib

    agar bosa na dena tha kaha hota nahin deta

    tum itni baat se hote ho kya barham miyan-sahib

    KHata kuchh hum ne ki ya ghair hai shayad tumhein mane

    sabab kya hai ki tum aate ho ab kuchh kam miyan-sahib

    agar tu shohra-e-afaq hai to tere bandon mein

    hamein bhi jaanta hai KHub ek aalam miyan-sahib

    tumhaare ishq se 'taban' hua hai shahar mein ruswa

    tum us ke haal se ab tak nahin mahram miyan-sahib

    Source :
    • Deewan-e-Taban Rekhta Website)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY