tumhaare murgh-zar par mere mazar par kabhi

tumhāre murġh-zār par mire mazār par kabhī

kabhī na harf aa sakā bharī bahār par kabhī

duhā.ī tum ko ik vasī' aur gahrī jhiil kī

chale bhī aao āñsuoñ kī rūd-bār par kabhī

kahāñ se kījiye bhalā shurū' apnī zaat ko

ki phir kahīñ na ruk sake ye iḳhtisār par kabhī

jo ho sake to ek pal zarā 'aqab-numā meñ dekh

ki aisī aañkh thī kisī kī terī car par kabhī

batā.e de rahā huuñ maiñ abhī se ek baat ko

kiyā hai ġhaur aap ne ḳhudā kī maar par kabhī

na sirf merā qatl hī kiyā mujhe miTā diyā

ki merī nasl meñ koī chaḌhe na daar par kabhī

hamārā kyā hai hausla bhī haar deñ to kyā 'ajab

ki bas chalā na jabr par na iḳhtiyār par kabhī

jue meñ jiit haar ke sivā to kuchh nahīñ 'nishāt'

isī meñ jiit hai tirī ki soch haar par kabhī

tumhaare murgh-zar par mere mazar par kabhi

kabhi na harf aa saka bhari bahaar par kabhi

duhai tum ko ek wasi' aur gahri jhil ki

chale bhi aao aansuon ki rud-bar par kabhi

kahan se kijiye bhala shuru' apni zat ko

ki phir kahin na ruk sake ye iKHtisar par kabhi

jo ho sake to ek pal zara 'aqab-numa mein dekh

ki aisi aankh thi kisi ki teri car par kabhi

batae de raha hun main abhi se ek baat ko

kiya hai ghaur aap ne KHuda ki mar par kabhi

na sirf mera qatl hi kiya mujhe miTa diya

ki meri nasl mein koi chaDhe na dar par kabhi

hamara kya hai hausla bhi haar den to kya 'ajab

ki bas chala na jabr par na iKHtiyar par kabhi

jue mein jit haar ke siwa to kuchh nahin 'nishat'

isi mein jit hai teri ki soch haar par kabhi