tumhaari dastanon ke bahane likh rahe hain hum

tumhārī dāstānoñ ke bahāne likh rahe haiñ ham

hisār-e-zāt ke tārīk ḳhāne likh rahe haiñ ham

abhī tak likh rahe the sirf zaḳhmoñ kā pata lekin

ab apne dard ke saare Thikāne likh rahe haiñ ham

hamāre haal par koī taras khaa.e to kyā khaa.e

hujūm-e-yās meñ baiThe tarāne likh rahe haiñ ham

hameñ ḳhvāboñ kī duniyā to mayassar ho nahīñ paa.ī

magar ḳhvāboñ kī duniyā par fasāne likh rahe haiñ ham

ġhazal kahne kī koshish kar rahe haiñ dhuup meñ jal kar

na.ī nasloñ kī ḳhātir shāmiyāne likh rahe haiñ ham

chalo phir zindagī meñ ik nayā kirdār le aa.eñ

ka.ī din se vahī qisse purāne likh rahe haiñ ham

haqīqat to hameñ ujḌe manāzir hī dikhātī hai

magar sapne na jaane kyoñ suhāne likh rahe haiñ ham

tumhaari dastanon ke bahane likh rahe hain hum

hisar-e-zat ke tarik KHane likh rahe hain hum

abhi tak likh rahe the sirf zaKHmon ka pata lekin

ab apne dard ke sare Thikane likh rahe hain hum

hamare haal par koi taras khae to kya khae

hujum-e-yas mein baiThe tarane likh rahe hain hum

hamein KHwabon ki duniya to mayassar ho nahin pai

magar KHwabon ki duniya par fasane likh rahe hain hum

ghazal kahne ki koshish kar rahe hain dhup mein jal kar

nai naslon ki KHatir shamiyane likh rahe hain hum

chalo phir zindagi mein ek naya kirdar le aaen

kai din se wahi qisse purane likh rahe hain hum

haqiqat to hamein ujDe manazir hi dikhati hai

magar sapne na jaane kyon suhane likh rahe hain hum