تمہاری دی ہوئی چیزیں تڑپ آنسو اداسی غم

تمہاری دی ہوئی چیزیں تڑپ آنسو اداسی غم

یہی دولت ہماری ہے انہیں پر جی رہے ہیں ہم

گئے ہو چھوڑ کر جب سے نہیں لی ہے خبر تم نے

مگر اتنا تو کرتے دیکھ لیتے مڑ کے کم سے کم

کئی چٹھی ہواؤں پر بھی لکھ کے تم کو پہنچائی

کوئی سندیش تم بھی بھیجتے آتے تو ہیں موسم

وہ پہلا خط محبت کا کبھی جو تم نے لکھا تھا

اسے میں اب بھی پڑھتی ہوں تو سانسیں جاتی ہیں پھر تھم

تمہاری یاد کی گٹھری سنبھالی اب نہیں جاتی

اڑا دوں گی ہواؤں میں بنا کر پیار کا پرچم