tumhaari yaad ko humne palak par yun saja rakkha

tumhārī yaad ko ham ne palak par yuuñ sajā rakkhā

añdherī raat meñ har roz āñgan meñ diyā rakkhā

laboñ se guftugū hotī to kuchh shikva na ho paatā

nazar se jab sunā us ko tabassum se gilā rakkhā

gayā pardes beTā jab bhī le kar ḳhvāb sab apne

to phir din-rāt maañ ne apnī āñkhoñ ko khulā rakkhā

divālī iid meñ aksar khilaune bechtā hai ab

ye vo bachcha hai jis ne apnī ḳhvāhish ko dabā rakkhā

vahāñ ik chāñd sī laḌkī bhī rahtī hai ye jaanā tab

darīche kī hayā ko jab dupaTTe se uḌā rakkhā

ye raushan-dān se ma.asūm sī titlī chipaktī hai

isī aahaT ko ham ne apnī ġhazloñ kī sadā rakkhā

ye dahshat-gard saḌkeñ haiñ mujhe kab qatl kar Dāleñ

kisī kāġhaz ke purze meñ maiñ apnā bhī patā rakkhā

kahīñ dillī kī saḌkoñ par bhalā insāf miltā hai

magarmachchhoñ ke aañsū ko siyāsat ne bahā rakkhā

tumhaari yaad ko hum ne palak par yun saja rakkha

andheri raat mein har roz aangan mein diya rakkha

labon se guftugu hoti to kuchh shikwa na ho pata

nazar se jab suna us ko tabassum se gila rakkha

gaya pardes beTa jab bhi le kar KHwab sab apne

to phir din-raat man ne apni aankhon ko khula rakkha

diwali id mein aksar khilaune bechta hai ab

ye wo bachcha hai jis ne apni KHwahish ko daba rakkha

wahan ek chand si laDki bhi rahti hai ye jaana tab

dariche ki haya ko jab dupaTTe se uDa rakkha

ye raushan-dan se masum si titli chipakti hai

isi aahaT ko hum ne apni ghazlon ki sada rakkha

ye dahshat-gard saDken hain mujhe kab qatl kar Dalen

kisi kaghaz ke purze mein main apna bhi pata rakkha

kahin dilli ki saDkon par bhala insaf milta hai

magarmachchhon ke aansu ko siyasat ne baha rakkha