tumhein ab is se ziyaada saza nahin dunga

Liaqat Jafri

tumhein ab is se ziyaada saza nahin dunga

Liaqat Jafri

MORE BYLiaqat Jafri

    tumheñ ab is se ziyāda sazā nahīñ dūñgā

    duā.eñ dūñgā magar bad-duā nahīñ dūñgā

    tirī taraf se laḌūñgā maiñ terī har ik jañg

    rahūñgā saath magar hausla nahīñ dūñgā

    tirī zabān pe mauqūf mere haath lams

    nivāla dūñgā magar zā.iqa nahīñ dūñgā

    maiñ pahle bose se nā-āshnā rakhūñgā tumheñ

    phir is ke ba.ad tumheñ dūsrā nahīñ dūñgā

    phir ek baar guzar jaao mere uupar se

    maiñ is ke ba.ad tumheñ rāsta nahīñ dūñgā

    ki talāsh kare aur maiñ tujh ko mil jā.ūñ

    maiñ terī aañkh ko itnī sazā nahīñ dūñgā

    bhagā.e rakkhūñgā apnī adālatoñ meñ tumheñ

    tamām umr tumheñ faisla nahīñ dūñgā

    maiñ us ke saath huuñ jo uTh ke phir khaḌā ho jaa.e

    maiñ tere shahar ko ab zalzala nahīñ dūñgā

    tirī anā ke liye sirf ye sazā hai bahut

    rahā hai to tujh ko sadā nahīñ dūñgā

    ki ab baar 'liyāqat' huā huā so huā

    maiñ us ke haath meñ ab aa.inā nahīñ dūñgā

    tumhein ab is se ziyaada saza nahin dunga

    duaen dunga magar bad-dua nahin dunga

    teri taraf se laDunga main teri har ek jang

    rahunga sath magar hausla nahin dunga

    teri zaban pe mauquf mere hath ka lams

    niwala dunga magar zaiqa nahin dunga

    main pahle bose se na-ashna rakhunga tumhein

    phir is ke baad tumhein dusra nahin dunga

    phir ek bar guzar jao mere upar se

    main is ke baad tumhein rasta nahin dunga

    ki tu talash kare aur main tujh ko mil jaun

    main teri aankh ko itni saza nahin dunga

    bhagae rakkhunga apni adalaton mein tumhein

    tamam umr tumhein faisla nahin dunga

    main us ke sath hun jo uTh ke phir khaDa ho jae

    main tere shahar ko ab zalzala nahin dunga

    teri ana ke liye sirf ye saza hai bahut

    tu ja raha hai to tujh ko sada nahin dunga

    ki ab ki bar 'liyaqat' hua hua so hua

    main us ke hath mein ab aaina nahin dunga

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY