tumhein bas ye batana chahte hain

tumheñ bas ye batānā chāhte haiñ

tumheñ apnā banānā chāhte haiñ

vo ham se aa.e haiñ milne dubāra

jinheñ ham chhoḌ jaanā chāhte haiñ

vahī ik shaḳhs hai duniyā meñ bas ab

jise apnā banānā chāhte haiñ

hameñ jaise satātā thā kabhī vo

use ab ham satānā chāhte haiñ

ujālā hī ujālā har taraf ho

ik aisā ghar banānā chāhte haiñ

sameTo aa ke tum ik roz ham ko

ham itnā TuuT jaanā chāhte haiñ

vo jis meñ yaad terī rah na paa.e

ik aisā dil banānā chāhte haiñ

use ham hārne vaale haiñ shāyad

jise ham jiit jaanā chāhte haiñ

sitāre toḌ laa.e haiñ falak se

tirā kamrā sajānā chāhte haiñ

na koī dekh paa.e ġham hamāre

ham itnā muskurānā chāhte haiñ

tumhein bas ye batana chahte hain

tumhein apna banana chahte hain

wo hum se aae hain milne dubara

jinhen hum chhoD jaana chahte hain

wahi ek shaKHs hai duniya mein bas ab

jise apna banana chahte hain

hamein jaise satata tha kabhi wo

use ab hum satana chahte hain

ujala hi ujala har taraf ho

ek aisa ghar banana chahte hain

sameTo aa ke tum ek roz hum ko

hum itna TuT jaana chahte hain

wo jis mein yaad teri rah na pae

ek aisa dil banana chahte hain

use hum haarne wale hain shayad

jise hum jit jaana chahte hain

sitare toD lae hain falak se

tera kamra sajaana chahte hain

na koi dekh pae gham hamare

hum itna muskurana chahte hain