تمہیں لگتی ہے دنیا اجنبی کیا
تمہیں لگتی ہے دنیا اجنبی کیا
طبیعت ہو گئی ہے فلسفی کیا
ہوس تو ہے ازل سے ہاتھ خالی
بجھی بھی ہے کسی کی تشنگی کیا
ذرا سی بے وفائی پر ہم اوس کی
بھلا توڑیں مراسم باہمی کیا
کہیں تکرار حد سے بڑھ نہ جائے
کریں اس بحث کو اب ملتوی کیا
وہ عاقل ہے سمجھ لے گا اشارہ
کریں نادم اسے ہے لازمی کیا
بزرگوں کی نصیحت نسل نو کو
کہو تو آج لگتی ہے بھلی کیا
انہیں کے دم سے تھے گھر میں اجالے
بغیر ان کے ہو گھر میں روشنی کیا
سمجھ پائی میں رہبر کے کرم سے
سخن کیا ہے اصول شاعری کیا
ولی ہیں نازلیؔ وہ میرے مرشد
مقابل ان کے میری بات ہی کیا
مأخذ:
حرف حرف آئینہ (Pg. 49)
- مصنف: نلنی وبھا نازلی
-
- ناشر: موڈرن پبلشنگ ہاؤس، دریا گنج، نئی دہلی
- سن اشاعت: 2010
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
