tu jo kahta hai bolta kya hai

Shaikh Zahuruddin Hatim

tu jo kahta hai bolta kya hai

Shaikh Zahuruddin Hatim

MORE BYShaikh Zahuruddin Hatim

    jo kahtā hai boltā kyā hai

    amr-e-rabbī hai rūh-e-maulā hai

    jab talak hai judā hai qatra

    bahr meñ mil gayā to dariyā hai

    fil-haqīqat koī nahīñ martā

    maut hikmat ek pardā hai

    aur sharī.at pūchhtā hai yaar

    vahdahū lā-sharīk yaktā hai

    haigā vahm-o-qayās se bāhar

    vo na tujh hai aur na mujh hai

    jahāñ ho jo kaho samī-o-basīr

    sab ko dekhe hai sab suntā hai

    nazar aatā nahīñ vo a.amā ko

    varna us zuhūr sab hai

    var tarīqat kare hai savāl

    so to kahtā huuñ gar samajhtā hai

    ġhair-e-haq ke na dekh ġhair taraf

    dīda-e-dil jo terā biinā hai

    baat suntā hai to usī sun

    gar tarīqat se tujh ko bahrā hai

    us ke zikr bin na kar kuchh zikr

    gar dahāñ meñ zabān-e-goyā hai

    haath se kaam bhī usī kar

    paañv se chal jo raah us hai

    kaam is meñ baḌā hai nafs-kushī

    ho sake to ajab tamāshā hai

    ma.arifat pūchh kyā hai aarif se

    jis ko irfān hai so to gūñgā hai

    jis ne paayā use so hai ḳhāmosh

    jis ne paayā nahīñ so baktā hai

    aap aap hai jahāñ dekho

    kullo-shai.in muhīt-e-paidā hai

    ishq martaba hai sab se buland

    sar se pahle qadam guzartā hai

    jo huā sirr-e-ishq se āgāh

    aage marne se aap martā hai

    jo fanā ho huā baqā-billāh

    kab use zindagī parvā hai

    us ko har aan har qadam har dam

    az surā sair tā-surayyā hai

    ramz-e-tauhīd ko samajh kar bol

    gar sāhib-shu.ūr-o-dānā hai

    vo na samjhegā ye suḳhan 'hātim'

    jis ko jahl aur ḳhayāl-e-saudā hai

    tu jo kahta hai bolta kya hai

    amr-e-rabbi hai ruh-e-maula hai

    jab talak hai juda tu hai qatra

    bahr mein mil gaya to dariya hai

    fil-haqiqat koi nahin marta

    maut hikmat ka ek parda hai

    aur shariat ki puchhta hai tu yar

    wahdahu la-sharik yakta hai

    haiga wahm-o-qayas se bahar

    wo na tujh sa hai aur na mujh sa hai

    jahan ho jo kaho sami-o-basir

    sab ko dekhe hai sab ki sunta hai

    nazar aata nahin wo aama ko

    warna us ka zuhur sab ja hai

    war tariqat ka tu kare hai sawal

    so to kahta hun gar samajhta hai

    ghair-e-haq ke na dekh ghair taraf

    dida-e-dil jo tera bina hai

    baat sunta hai to usi ki sun

    gar tariqat se tujh ko bahra hai

    us ke tu zikr bin na kar kuchh zikr

    gar dahan mein zaban-e-goya hai

    hath se kaam bhi usi ka kar

    panw se chal jo rah us ka hai

    kaam is mein baDa hai nafs-kushi

    ho sake to ajab tamasha hai

    marifat puchh kya hai aarif se

    jis ko irfan hai so to gunga hai

    jis ne paya use so hai KHamosh

    jis ne paya nahin so bakta hai

    aap hi aap hai jahan dekho

    kullo-shain muhit-e-paida hai

    ishq ka martaba hai sab se buland

    sar se pahle qadam guzarta hai

    jo hua sirr-e-ishq se aagah

    aage marne se aap marta hai

    jo fana ho hua baqa-billah

    kab use zindagi ki parwa hai

    us ko har aan har qadam har dam

    az sura sair ta-surayya hai

    ramz-e-tauhid ko samajh kar bol

    gar tu sahib-shuur-o-dana hai

    wo na samjhega ye suKHan 'hatim'

    jis ko jahl aur KHayal-e-sauda hai

    Source :
    • Book : Diwan-e-Zadah (Pg. 287)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY