tu rafiq-e-jaan hai uzr kya mere sath chal mere sath aa

tū rafīq-e-jān hai 'uzr kyā mire saath chal mire saath aa

mirā ham-safar bhī to ban zarā mire saath chal mire saath aa

mire dost jānib-e-mai-kada mire saath chal mire saath aa

maiñ dikhā.ūñ rindoñ meñ pārsā mire saath chal mire saath aa

ye hai khel tīra-nasīb kā jo har ek chhoḌ ke chal diyā

mirā saaya bhī to na kah sakā mire saath chal mire saath aa

mirī vahshat aur baḌhā gayā vo bagūla kahtā guzar gayā

tujhe sahrā sahrā ghumā.ūñgā mire saath chal mire saath aa

maiñ fareb-e-dahr meñ aa gayā to mirā zamīr pukār uThā

tū zamāna-sāz na ban sakā mire saath chal mire saath aa

ye mirī ḳhudī ye mirī anā maiñ jahāñ khaḌā thā vahīñ rahā

mujhe vaqt kahtā hī rah gayā mire saath chal mire saath aa

vahāñ zikr-e-fikr-o-alam nahīñ vahāñ hādsoñ kā guzar nahīñ

ye kisī ne 'shād' nahīñ kahā mire saath chal mire saath aa

tu rafiq-e-jaan hai 'uzr kya mere sath chal mere sath aa

mera ham-safar bhi to ban zara mere sath chal mere sath aa

mere dost jaanib-e-mai-kada mere sath chal mere sath aa

main dikhaun rindon mein parsa mere sath chal mere sath aa

ye hai khel tira-nasib ka jo har ek chhoD ke chal diya

mera saya bhi to na kah saka mere sath chal mere sath aa

meri wahshat aur baDha gaya wo bagula kahta guzar gaya

tujhe sahra sahra ghumaunga mere sath chal mere sath aa

main fareb-e-dahr mein aa gaya to mera zamir pukar uTha

tu zamana-saz na ban saka mere sath chal mere sath aa

ye meri KHudi ye meri ana main jahan khaDa tha wahin raha

mujhe waqt kahta hi rah gaya mere sath chal mere sath aa

wahan zikr-e-fikr-o-alam nahin wahan hadson ka guzar nahin

ye kisi ne 'shad' nahin kaha mere sath chal mere sath aa