tu samajhta hi nahin chashm-e-fusun-saz ka ramz
tu samajhta hi nahin chashm-e-fusun-saz ka ramz
Zubair Ahmad Saani
MORE BYZubair Ahmad Saani
tū samajhtā hī nahīñ chashm-e-fusūñ-sāz kā ramz
sab adā.eñ haiñ vagarna to usī naaz kā ramz
lab kī jumbish kā to muhtāj nahīñ dil merā
har ḳhamoshī ne diyā hai mujhe āvāz kā ramz
us se ūñchā ye zamāna to nahīñ uḌ saktā
tā.ir-e-sidra se tū siikh le parvāz kā ramz
sab ko andāza mirī ḳhāna-ḳharābī se huā
thā alag sab se mire ḳhāna-bar-andāz kā ramz
sab ke siine se jo ḳhurshīd kī kirneñ phūTīñ
aaj har zarre meñ dekhā hai tag-o-tāz kā ramz
tu samajhta hi nahin chashm-e-fusun-saz ka ramz
sab adaen hain wagarna to usi naz ka ramz
lab ki jumbish ka to muhtaj nahin dil mera
har KHamoshi ne diya hai mujhe aawaz ka ramz
us se uncha ye zamana to nahin uD sakta
tair-e-sidra se tu sikh le parwaz ka ramz
sab ko andaza meri KHana-KHarabi se hua
tha alag sab se mere KHana-bar-andaz ka ramz
sab ke sine se jo KHurshid ki kirnen phuTin
aaj har zarre mein dekha hai tag-o-taz ka ramz
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
