tufan samajh liya kabhi sahil bana liya

Khalid Mahmood Zaki

tufan samajh liya kabhi sahil bana liya

Khalid Mahmood Zaki

MORE BYKhalid Mahmood Zaki

    tūfāñ samajh liyā kabhī sāhil banā liyā

    ai shauq-e-be-amāñ tujhe manzil banā liyā

    ab jism-o-jān-e-nāz pe TūTeñ qayāmateñ

    us se gurez kyā jise hāsil banā liyā

    kuchh intihā-e-shauq ke the silsile ajab

    mushkil nahīñ thā jo use mushkil banā liyā

    jis din ki intizār thā karnā nahīñ kiyā

    ḳhud ko mizāj-e-yār ke qābil banā liyā

    us raah par chale jo zamāne se haT ke thī

    aur kār-e-zindagī tujhe mushkil banā liyā

    chhoḌā nahīñ banā.e banā zimme jo bhī thā

    phir bhī nahīñ kuchh aisā ki be-dil banā liyā

    jab chāhā ai samay tujhe raunaq se kaaT kar

    ḳhalvat-nashīnī-e-shab-e-mahfil banā liyā

    paanī kyā havā bhī nahīñ e'tibār

    ye jaan kar Thikāna sar-e-gil banā liyā

    tufan samajh liya kabhi sahil bana liya

    ai shauq-e-be-aman tujhe manzil bana liya

    ab jism-o-jaan-e-naz pe TuTen qayamaten

    us se gurez kya jise hasil bana liya

    kuchh intiha-e-shauq ke the silsile ajab

    mushkil nahin tha jo use mushkil bana liya

    jis din ki intizar tha karna nahin kiya

    KHud ko mizaj-e-yar ke qabil bana liya

    us rah par chale jo zamane se haT ke thi

    aur kar-e-zindagi tujhe mushkil bana liya

    chhoDa nahin banae bana zimme jo bhi tha

    phir bhi nahin kuchh aisa ki be-dil bana liya

    jab chaha ai samay tujhe raunaq se kaT kar

    KHalwat-nashini-e-shab-e-mahfil bana liya

    pani hi kya hawa bhi nahin e'tibar ki

    ye jaan kar Thikana sar-e-gil bana liya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now