Tut jaane pe jo phir KHun rulate hain hamein

Tuut jaane pe jo phir ḳhuun rulāte haiñ hameñ

aap kyuuñ aise bhalā ḳhvāb dikhāte haiñ hameñ

ye to ham haiñ ki yaqīñ rakhte haiñ tujh par varna

log kyā kyā nahīñ aa aa ke batāte haiñ hameñ

jab dar-e-dil pe utartī hai koī vasl kī rut

mausam-e-hijr ke andeshe satāte haiñ hameñ

raat so jaa.e to phir chāñd sitāre aa kar

haft aflāk ke afsāne sunāte haiñ hameñ

chashm-e-bedār ki hai mahv-e-tamāshā-e-junūñ

aañkh lag jaa.e to phir ḳhvāb Darāte haiñ hameñ

jaan le kar hī Talegī tū hamāre sar se

zindagānī tire andāz batāte haiñ hameñ

Tut jaane pe jo phir KHun rulate hain hamein

aap kyun aise bhala KHwab dikhate hain hamein

ye to hum hain ki yaqin rakhte hain tujh par warna

log kya kya nahin aa aa ke batate hain hamein

jab dar-e-dil pe utarti hai koi wasl ki rut

mausam-e-hijr ke andeshe satate hain hamein

raat so jae to phir chand sitare aa kar

haft aflak ke afsane sunate hain hamein

chashm-e-bedar ki hai mahw-e-tamasha-e-junun

aankh lag jae to phir KHwab Daraate hain hamein

jaan le kar hi Talegi tu hamare sar se

zindagani tere andaz batate hain hamein