TuT kar rah gaya aaine se rishta apna
TuuT kar rah gayā ā.īne se rishta apnā
ek muddat huī dekhnā nahīñ chehrā apnā
koī tūfān hai na ab koī talātum dil meñ
sāhil-e-dard pe Thahrā hai safīna apnā
lafz-o-ma.anī ke na.e phuul ubhar ā.eñge
naqsh ho jaa.e jo qirtās pe lahja apnā
yaad ḳhushbū hai chhupāne se kahāñ chhuptī hai
mauj-e-gul ḳhud hī banā letī hai rasta apnā
jis ke jaane se munavvar hue palkoñ pe charāġh
aaj tak us ne dikhāyā nahīñ chehrā apnā
raat ke saath 'asar' lauT ke ghar jaatā hai
rāsta dekh rahā hogā darīcha apnā
TuT kar rah gaya aaine se rishta apna
ek muddat hui dekhna nahin chehra apna
koi tufan hai na ab koi talatum dil mein
sahil-e-dard pe Thahra hai safina apna
lafz-o-mani ke nae phul ubhar aaenge
naqsh ho jae jo qirtas pe lahja apna
yaad KHushbu hai chhupane se kahan chhupti hai
mauj-e-gul KHud hi bana leti hai rasta apna
jis ke jaane se munawwar hue palkon pe charagh
aaj tak us ne dikhaya nahin chehra apna
raat ke sath 'asar' lauT ke ghar jata hai
rasta dekh raha hoga daricha apna
Source:
Rooh-e-Ghazal,Pachas Sala Intekhab (Pg. 764)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
