طیور فکر و سخن کی اڑان زندہ ہے
طیور فکر و سخن کی اڑان زندہ ہے
خدا کا شکر کہ اردو زبان زندہ ہے
طنابیں کاٹ دیں جس نے مری زمین کے ساتھ
اسے کہو کہ ابھی آسمان زندہ ہے
عجب ہے گنبد بے در کی گونج سن لینا
سماعتوں پہ ترا یہ گمان زندہ ہے
نگر کی پختہ حویلی میں گھٹ کے مرنے سے
چلو کہ گاؤں کا کچا مکان زندہ ہے
پروں کو بیٹھ گیا کیوں سمیٹ کر اپنے
اڑان بھر کہ ابھی آسمان زندہ ہے
خدا کے گھر کو گرایا تو کیا کمال کیا
کمال یہ ہے کہ اب بھی اذان زندہ ہے
بہت ہی خوش ہیں فسادی جلا کے گھر میرا
خبر نہیں کہ مرا خاندان زندہ ہے
ہمارا خون ہے شامل وطن کی مٹی میں
ہمارے دم سے ہی ہندوستان زندہ ہے
یزیدیت تو رضاؔ ہے فنا کی منزل میں
حسینیت ترا نام و نشان زندہ ہے
مأخذ:
شجر سورج کا (Pg. 14)
- مصنف: سید صفدر رضا کھنڈوی
-
- ناشر: طلسم حرف پبلیکیشنز، کھنڈوہ
- سن اشاعت: 2013
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
