ubhra jo chand unghti parchhaiyan milin

ubhrā jo chāñd ūñghtī parchhā.iyāñ milīñ

har raushnī kī god meñ tanhā.iyāñ milīñ

shahar vafā meñ ham jo chale aa.e daf.atan

har har qadam pe dard kī shahnā.iyāñ milīñ

ġhunche hañse to husn kā kosoñ pata na thā

rūThī huī kuchh aisī bhī ra.anā.iyāñ milīñ

zehn-e-ḳhalish se dekhā jo aivān-e-ḳhvāb ko

ḳhvāhish ko pūjtī huī añgnā.iyāñ milīñ

ḳhushbū ke reg-zār meñ kyā jaane kyā mile

yādoñ ke aa.ine meñ to añgḌā.iyāñ milīñ

ubhra jo chand unghti parchhaiyan milin

har raushni ki god mein tanhaiyan milin

shahar wafa mein hum jo chale aae dafatan

har har qadam pe dard ki shahnaiyan milin

ghunche hanse to husn ka koson pata na tha

ruThi hui kuchh aisi bhi ranaiyan milin

zehn-e-KHalish se dekha jo aiwan-e-KHwab ko

KHwahish ko pujti hui angnaiyan milin

KHushbu ke reg-zar mein kya jaane kya mile

yaadon ke aaine mein to angDaiyan milin