uDate aae hain aap apne KHwab-zar ki KHak

uḌāte aa.e haiñ aap apne ḳhvāb-zār kī ḳhaak

ye aur ḳhaak hai ik dasht-e-be-kanār kī ḳhaak

ye maiñ nahīñ huuñ to phir kis kī aamad aamad hai

ḳhushī se nāchtī phirtī hai regzār kī ḳhaak

hameñ bhī ek hī sahrā diyā gayā thā magar

uḌā ke aa.e haiñ vahshat meñ be-shumār kī ḳhaak

hamīñ muqīm hue muddateñ huiiñ lekin

suroñ se ab bhī nikaltī hai rahguzār kī ḳhaak

ye haal hai ki abhī se khanak rahe haiñ zarūf

abhī guñdhī nahīñ jin meñ se be-shumār kī ḳhaak

sunā hai DhūñDte phirte haiñ kab se kūza-garāñ

hamārī aañkh kā paanī tire dayār kī ḳhaak

ajab nahīñ ki mujhe zinda gāḌne vaale

kal aa ke phāñk rahe hoñ mire mazār kī ḳhaak

uDate aae hain aap apne KHwab-zar ki KHak

ye aur KHak hai ek dasht-e-be-kanar ki KHak

ye main nahin hun to phir kis ki aamad aamad hai

KHushi se nachti phirti hai regzar ki KHak

hamein bhi ek hi sahra diya gaya tha magar

uDa ke aae hain wahshat mein be-shumar ki KHak

hamin muqim hue muddaten huin lekin

suron se ab bhi nikalti hai rahguzar ki KHak

ye haal hai ki abhi se khanak rahe hain zaruf

abhi gundhi nahin jin mein se be-shumar ki KHak

suna hai DhunDte phirte hain kab se kuza-garan

hamari aankh ka pani tere dayar ki KHak

ajab nahin ki mujhe zinda gaDne wale

kal aa ke phank rahe hon mere mazar ki KHak