udhar wo be-murawwat bewafa be-rahm qatil hai

Waliullah Muhib

udhar wo be-murawwat bewafa be-rahm qatil hai

Waliullah Muhib

MORE BYWaliullah Muhib

    udhar vo be-muravvat bevafā be-rahm qātil hai

    idhar be-sabr-o-be-taskīn-o-be-tāqat mirā dil hai

    udhar sayyād chashm-o-dām-e-zulf-o-nāvak-e-mizhgāñ

    idhar pahlū meñ dil ik said-e-lāġhar nīm-bismil hai

    udhar us ko to mere naam se bhī nañg hai har-dam

    idhar siine meñ dil mushtāq hai āshiq hai maa.il hai

    udhar vo ḳhud-parast ayyār hai maġhrūr hai ḳhud-bēñ

    idhar merā dil az-ḳhud-rafta hai shaidā.ī ġhāfil hai

    udhar har roz us ko ḳhilāf-e-va.ada hai āsāñ

    idhar shab-tā-sahar-gah intizārī saḳht mushkil hai

    udhar ḳhush sair-e-dariyā se hai vo nā-āshnā zālim

    idhar ham ġharq-e-bahr-e-ġham haiñ aur nāpaid sāhil hai

    udhar barq-e-nigah hai sabr ke ḳhirman ātish-zan

    idhar kisht-e-ummīd-o-yās ab tak sair-e-hāsil hai

    udhar shāne ko us ke zulf-o-kākul ne chaḌhāyā sar

    idhar dil par balā-e-āsmāñ yak-dast nāzil hai

    udhar baaqī havas hai be-hisāb us ko jafāoñ

    idhar likhiye vafāoñ to kuchh apnā fāzil hai

    udhar vo aa.ine meñ aks-e-rū apne hai maa.il

    idhar har shai meñ vo hai jalva-gar-e-shakl-o-shamā.il hai

    udhar hai iḳhtilāt aġhyār se us yār-e-jānī

    idhar dil zikr us ke 'muhib' din raat shāmil hai

    udhar wo be-murawwat bewafa be-rahm qatil hai

    idhar be-sabr-o-be-taskin-o-be-taqat mera dil hai

    udhar sayyaad chashm-o-dam-e-zulf-o-nawak-e-mizhgan

    idhar pahlu mein dil ek said-e-laghar nim-bismil hai

    udhar us ko to mere nam se bhi nang hai har-dam

    idhar sine mein dil mushtaq hai aashiq hai mail hai

    udhar wo KHud-parast ayyar hai maghrur hai KHud-been

    idhar mera dil az-KHud-rafta hai shaidai ghafil hai

    udhar har roz ka us ko KHilaf-e-wada hai aasan

    idhar shab-ta-sahar-gah intizari saKHt mushkil hai

    udhar KHush sair-e-dariya se hai wo na-ashna zalim

    idhar hum gharq-e-bahr-e-gham hain aur napaid sahil hai

    udhar barq-e-nigah hai sabr ke KHirman ki aatish-zan

    idhar kisht-e-ummid-o-yas ab tak sair-e-hasil hai

    udhar shane ko us ke zulf-o-kakul ne chaDhaya sar

    idhar dil par bala-e-asman yak-dast nazil hai

    udhar baqi hawas hai be-hisab us ko jafaon ki

    idhar likhiye wafaon ki to kuchh apna hi fazil hai

    udhar wo aaine mein aks-e-ru apne ka hai mail

    idhar har shai mein wo hai jalwa-gar-e-shakl-o-shamail hai

    udhar hai iKHtilat aghyar se us yar-e-jaani ka

    idhar dil zikr us ke ka 'muhib' din raat shamil hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now