اف ری ناز و نیاز کی باتیں
اف ری ناز و نیاز کی باتیں
باؤلے لوگ باؤلی باتیں
اب کہاں ہیں وہ اپنوں سی باتیں
اجنبی لوگ اجنبی باتیں
مہکی مہکی وہ رات کی رانی
شبنمی راتیں شبنمی باتیں
وہ بھی کیا شخص ہے سبحان اللہ
پھول سا چہرہ خار سی باتیں
ٹوٹ جاتے ہیں ریشمی رشتے
یاد آتی ہیں ریشمی باتیں
ہائے وہ دودھ میں دھلا چہرا
ہائے وہ دودھ میں دھلی باتیں
دوستی کی سفید چادر پر
بد نما داغ مطلبی باتیں
اپنی قسمت میں اب کہاں نامیؔ
برگدی چھاؤں چلبلی باتیں
مأخذ:
احسان حیات (Pg. 80)
- مصنف: نامی نادری
-
- ناشر: اومکار پرنٹنگ پریس، لدھیانہ
- سن اشاعت: 2013
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
