ulfaton ka KHuda nahin hun main

ulfatoñ kā ḳhudā nahīñ huuñ maiñ

ranj-o-ġham se judā nahīñ huuñ maiñ

ek arsa huā ga.e us ko

ab to us kā patā nahīñ huuñ maiñ

kalyugī soch se huuñ pardūshit

koī taaza havā nahīñ huuñ maiñ

ḳharchoñ ke bojh ne kamar toḌī

shauq se kui jhukā nahīñ huuñ maiñ

bevafā bā-vafā nahīñ hogā

ishq kī kīmiyā nahīñ huuñ maiñ

chand sikke haiñ logoñ kī qīmat

shukr hai ki bikā nahīñ huuñ maiñ

dharm aur zaat kī jakaḌ aisī

par to haiñ par uḌā nahīñ huuñ maiñ

ulfaton ka KHuda nahin hun main

ranj-o-gham se juda nahin hun main

ek arsa hua gae us ko

ab to us ka pata nahin hun main

kalyugi soch se hun pardushit

koi taza hawa nahin hun main

KHarchon ke bojh ne kamar toDi

shauq se kui jhuka nahin hun main

bewafa ba-wafa nahin hoga

ishq ki kimiya nahin hun main

chand sikke hain logon ki qimat

shukr hai ki bika nahin hun main

dharm aur zat ki jakaD aisi

par to hain par uDa nahin hun main