umr mein us se baDi thi lekin pahle TuT ke bikhri main
umr meñ us se baḌī thī lekin pahle TuuT ke bikhrī maiñ
sāhil sāhil jazbe the aur dariyā dariyā pahuñchī maiñ
shahr meñ us ke naam ke jitne shaḳhs the sab hī achchhe the
sub.h-e-safar to dhund bahut thī dhūpeñ ban kar niklī maiñ
us kī hathelī ke dāman meñ saare mausam simTe the
us ke haath meñ jaagī maiñ aur us ke haath se ujlī maiñ
ik muTThī tārīkī meñ thā ik muTThī se baḌh kar pyaar
lams ke jugnū pallū bāñdhe ziina ziina utrī maiñ
us ke āñgan meñ khultā thā shahr-e-murād kā darvāza
kueñ ke paas se ḳhālī gāgar haath meñ le kar palTī maiñ
maiñ ne jo sochā thā yuuñ to us ne bhī vahī sochā thā
din niklā to vo bhī nahīñ thā aur maujūd nahīñ thī maiñ
lamha lamha jaañ pighlegī qatra qatra shab hogī
apne haath larazte dekhe apne-āp hī sambhalī maiñ
umr mein us se baDi thi lekin pahle TuT ke bikhri main
sahil sahil jazbe the aur dariya dariya pahunchi main
shahr mein us ke nam ke jitne shaKHs the sab hi achchhe the
subh-e-safar to dhund bahut thi dhupen ban kar nikli main
us ki hatheli ke daman mein sare mausam simTe the
us ke hath mein jagi main aur us ke hath se ujli main
ek muTThi tariki mein tha ek muTThi se baDh kar pyar
lams ke jugnu pallu bandhe zina zina utri main
us ke aangan mein khulta tha shahr-e-murad ka darwaza
kuen ke pas se KHali gagar hath mein le kar palTi main
main ne jo socha tha yun to us ne bhi wahi socha tha
din nikla to wo bhi nahin tha aur maujud nahin thi main
lamha lamha jaan pighlegi qatra qatra shab hogi
apne hath larazte dekhe apne-ap hi sambhali main
Source:
kulliyat dusht-e-qais main laila (Pg. 680)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
