ان کے قصے اگر بیاں ہوتے
راز سارے تبھی عیاں ہوتے
تم کو آتے ہنر جو رہزن کے
بس تمہی میر کارواں ہوتے
بیر ہم سے سہی مگر سوچو
ہم نہ ہوتے تو تم کہاں ہوتے
زندگی وہ جگہ دکھا دے اب
تجھ کو پاتے تو ہم جہاں ہوتے
ان کی محفل میں دل نہیں لگتا
جب وہ اوروں میں شادماں ہوتے
یہ مکمل اگر جہاں ہوتا
پھر خلاؤں میں کیوں جہاں ہوتے
سوچ میں قربتیں اگر ہوتیں
فاصلے یوں نہ درمیاں ہوتے
تم ہی گوشہ نشین تھے عادلؔ
ورنہ چرچے کہاں کہاں ہوتے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
