us but ko zara chhu ke to dekhen ki wo kya hai

us but ko zarā chhū ke to dekheñ ki vo kyā hai

patthar hai ki ik mom ke sāñche meñ Dhalā hai

us ne mujhe apnā kabhī samjhā nahīñ lekin

jis samt gayā huuñ vo mire saath rahā hai

jañgal hai darindoñ kā koī saath nahīñ hai

kis jurm kī pādāsh meñ ban-bās milā hai

tujh par bhī har ik samt se pathrāv huā hai

mujh par bhī har ik samt se pathrāv huā hai

mujh ko tirī āvāz kā saaya hī bahut hai

ye bahs hai be-kār ki tū mujh se judā hai

chehre jo haiñ kashkol haiñ ajsām khañDar haiñ

har shaḳhs yahāñ vaqt kā ā.īna banā hai

har haath meñ hai gyaan kī pustak magar 'anjum'

is daur kā insān bhī bū-jahl rahā hai

us but ko zara chhu ke to dekhen ki wo kya hai

patthar hai ki ek mom ke sanche mein Dhala hai

us ne mujhe apna kabhi samjha nahin lekin

jis samt gaya hun wo mere sath raha hai

jangal hai darindon ka koi sath nahin hai

kis jurm ki padash mein ban-bas mila hai

tujh par bhi har ek samt se pathraw hua hai

mujh par bhi har ek samt se pathraw hua hai

mujh ko teri aawaz ka saya hi bahut hai

ye bahs hai be-kar ki tu mujh se juda hai

chehre jo hain kashkol hain ajsam khanDar hain

har shaKHs yahan waqt ka aaina bana hai

har hath mein hai gyan ki pustak magar 'anjum'

is daur ka insan bhi bu-jahl raha hai