اس کا اب انتظار کیا کیجے
اس کا اب انتظار کیا کیجے
آنکھ کو اشک بار کیا کیجے
بے وفا بھی ہے بے مروت بھی
اس کا اب اعتبار کیا کیجے
غنچے پژمردہ گل ہیں افسردہ
لے کے وہ لالہ زار کیا کیجے
بے وفائی پہ خود ہے نادم جب
اس کو اب شرمسار کیا کیجے
بھول جانا اسے تھا کب مشکل
دل ہے بے اختیار کیا کیجے
وضع داری مری کہ دشمن پر
انتقاماً بھی وار کیا کیجے
بوئے گل بھی ندیمؔ ہے مسموم
اعتماد بہار کیا کیجے
مأخذ:
چہرے پہ لکھ رہا ہوں (Pg. 80)
- مصنف: سید ندیم کمال
-
- ناشر: کمال میموریل فیزیو تھیراپی سنٹر، دربھنگہ
- سن اشاعت: 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
