us ka apna hi karishma hai fusun hai yun hai

Ahmad Faraz

us ka apna hi karishma hai fusun hai yun hai

Ahmad Faraz

MORE BYAhmad Faraz

    us apnā karishma hai fusūñ hai yuuñ hai

    yuuñ to kahne ko sabhī kahte haiñ yuuñ hai yuuñ hai

    jaise koī dar-e-dil par ho sitāda kab se

    ek saaya na darūñ hai na barūñ hai yuuñ hai

    tum ne dekhī nahīñ dasht-e-vafā tasvīr

    nok-e-har-ḳhār pe ik qatra-e-ḳhūñ hai yuuñ hai

    tum mohabbat meñ kahāñ sūd-o-ziyāñ le aa.e

    ishq naam ḳhirad hai na junūñ hai yuuñ hai

    ab tum aa.e ho mirī jaan tamāshā karne

    ab to dariyā meñ talātum na sukūñ hai yuuñ hai

    nāsehā tujh ko ḳhabar kyā ki mohabbat kyā hai

    roz aa jaatā hai samjhātā hai yuuñ hai yuuñ hai

    shā.irī taaza zamānoñ hai me.amār 'farāz'

    ye bhī ik silsila-e-kun-fayakūñ hai yuuñ hai

    us ka apna hi karishma hai fusun hai yun hai

    yun to kahne ko sabhi kahte hain yun hai yun hai

    jaise koi dar-e-dil par ho sitada kab se

    ek saya na darun hai na barun hai yun hai

    tum ne dekhi hi nahin dasht-e-wafa ki taswir

    nok-e-har-KHar pe ek qatra-e-KHun hai yun hai

    tum mohabbat mein kahan sud-o-ziyan le aae

    ishq ka nam KHirad hai na junun hai yun hai

    ab tum aae ho meri jaan tamasha karne

    ab to dariya mein talatum na sukun hai yun hai

    naseha tujh ko KHabar kya ki mohabbat kya hai

    roz aa jata hai samjhata hai yun hai yun hai

    shairi taza zamanon ki hai meamar 'faraaz'

    ye bhi ek silsila-e-kun-fayakun hai yun hai

    Videos
    This video is playing from YouTube

    Videos
    This video is playing from YouTube

    Ahmad Faraz

    Ahmad Faraz

    Unknown

    Unknown

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now